قوليلي يابنت عمي
مين اللي قاتل ابويا
لو قلتي هتخفي همي
وتشيلي مني عمايا
--------------------
في الغربه قاعد بفكر
واسئل في نفسي سؤال
واجبتو تهرب ويكتر
الحان حزني في موال
--------------------
يااسطي قصر طريقي
خليها سرعه في تسعين
دا الهم اصبح رفيقي
وانا عمري لسه في عشرين
--------------------
ياولدي قفل شبابيك
سدد مابين الهوامش
لو ماضي جه يناجيك
اهرب دا العمر هامش
-------------------
ومعدش شمس بتطلع
علي اللي قافل بيبانه
لازم من السجن ترجع
والعن ايام زمانه
-----------------
يافجر افتح بيبانك
عدي منها النجوم
دا الليل فارق زمانك
لازم شمسك تقوم
--------------------
يامركبي بحرك ملوش ريح
حرك كل المقاديف
نزل همومك وزيح
خلي المركب خفيف
----------------