قوليلى يابنت عمى
مين اللى قاتل ابويا
لو قلتى هتخفى همى
وتشيلى منى عمايا
--------------------
فى الغربه قاعد بفكر
واسئل فى نفسى سؤال
واجبتو تهرب ويكتر
الحان حزنى فى موال
--------------------
يااسطى قصر طريقى
خليها سرعه فى تسعين
دا الهم اصبح رفيقى
وانا عمرى لسه فى عشرين
--------------------
ياولدى قفل شبابيك
سدد مابين الهوامش
لو ماضى جه يناجيك
اهرب دا العمر هامش
-------------------
ومعدش شمس بتطلع
على اللى قافل بيبانه
لازم من السجن ترجع
والعن ايام زمانه
-----------------
يافجر افتح بيبانك
عدى منها النجوم
دا الليل فارق زمانك
لازم شمسك تقوم
--------------------
يامركبى بحرك ملوش ريح
حرك كل المقاديف
نزل همومك وزيح
خلى المركب خفيف
----------------