اربع حروف في السما
رسمين حروف اسمك
وسحابه متزينه
فستان علي جسمك
مؤمن وشاغل توب
...محبوك علي رسمك
مليش مكان غير هنا
اسمي علي اسمك
---*---**---*---
اربع نجوم في السما
والخامسه تاج ليكي
سهرانه علي خدك
بتنور لياليكي
**** *
ياسمين وورد وفل
حنان بناديكي
انا عشت عمري معادله
اليوم انا ليكي
حلي حروف اسمي
انا عشت لعنيكي
دي صخره متفتته
داقت خطاويكي
صحره وارضها بور
م الشمس تحميكي
ضلك كما الانهار
هعبر واناجيكي
انا عشت عمري معادله
اليوم انا ليكي
*****
ليلك بالف نهار
حامل معانيكي
والطهر فيكي اتولد
اصبح عظيم بيكي
*****
قلب في الخرايط
هتعرف اسمها
ضل البحور علي الصفحه
لايق علي رسمها
وكل صدفه في كل بحر
تعجز تكون
او يوم تقول علي وصفها
مع اني حبي مايتوصف
عمرو مكان علي ادها
وبتوه في رسم
خريطه توصف جسمها
قلبي اتخلق مقفول عشان
في يوم ميلادها افتح لها
لو كان لقلبي يتقسم نصين
هشيل في نص الروح
والتاني يبقي مهرها