ضل السما
بيغطى حلم المكسورين
يشرب فى كاسه جرحهم
ويمرر الدم الحزين
ضل السما
بيغطى بلكونه وحبال
وبنت طالعه
جوه شباكها القديم
لبسالو توب من شبك
مشغول على صوت الانين
قصت ضوافر طهرها
مبقتش خايفا ضلها
يفقد ملامح عزها
شربت مع ضل السما
جرح السنين
ضل السما ساتر طريق
سارق خطاوى المكفوفين
مع انهم جوه قلوبهم نور
نور طريق الناس
هما منه محرومين
ضل السما
ساتر حصار غزه
رغم احتلالها من سنين
رفضا انكسرها
رفعه العلم على الضفتين
دم الشهيد
لون حدايق وردها
زين شفايف كل بنت
يوم عرسها
ضل السما رافض
يفرح اهل غره
مع انهم
اقوى من الضل
اللى رافض ينكسر
غاوى يمرر فى السنين
ضل السما
بيغطى حلم المكسورين
ضل السما
ورث جبال الارض كفر
النور رافض يعترف انو انكسر
ضل السما
حالف يعذب فى البشر