قصيده أحمد عبد الواحد للشاعر ياسر عبد الله ىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى بعد الشمس ما غابت قعد أحمد لوحده في خلوته صب الشاي و ولع سيجاره فكر ازاي يحل بلوته وايه وصله للحال ده ¿ الدنيا ليه اتدهورت .الحاله ليه اتحدورت¿ ليه الناس بتعلا وعيشتهم بتحلا واحمد مغروز في الوحلا ليه النفس اتغيرت ¿ خد نفس من سيجارته وبق من كوبايته وضرب كف علي كف كل الناس حواليها عيالها الا اني جيب الواد والبيت وقاعد وحداني عملت العزوه وبقيت فرادني أه ياني منك يا زماني قالوا اليتيم اللي اهله ماتواا وأنا عيالي فاتواا عيشتي أه يا دنيا مالكيش أمان وحداني ياأبه وبداري غريب ياأبه وانا في داري روحت ياأبه وقادت ناري ابني كبر عليا وفات داري الدنيا بتلعب بيا لعبه القط والفار وانا الفار يا أبه بهرب من القدر والقدر وعد ومكتوب كتابه عطشان يا أبه والمطره في سحابه وعيالي سابوني وقالوا بلا اب بلا ابن بلا خوته كدابه الدمعه غصب عن عين احمد بتفر أحمد يا ناس دايق الذل بوق الميه في حلقه مر أحمد منبوذ من الكل فينك يا امه تشوفي ابنك حاله يعل امبارح تميت الستين سبتيني ياامه وروحتي فيت ¿ حاسس اني غريق وسط البحر ولا ليا صديق مخي هيتفرتك من الفرق والفكر والتفريق شرقان ياأمه طمعان في كلمه تبل الريق الواد اللي جيبته من صلبي وأديتته حته من قلبي أه و أهين وأهات وعجبي عمري ياأمه راح هدر مش عارف دي غلطتي ولا حكم القدر قلبي علي ولدي انفطر وقلب ولدي عليا حجر الوحده لما بتخنق النفر ذنب لا يغتفر تقولش الواحد كفر أنا من نبي ولا ملك انا بشر راح فين شبابي وايام زمان ايام مكنت حصان رهوان دلوقت الضهر اتحني والشعر ابيض راح فين الطول والعرض وانا اللي كنت استاذ وبعلم حكيم وبداوي صبحت بتألم يوم ماحد يقول اه اجري واسبق الكل وأخدم فينك ياأمه تشوفي الي جري ابني لما القرش في ايده جرا باعني وغيري اشترا كل الناس شاريني واللي ليا باعوني اتخلو عني وسابوني بصرخ وأقول الاه لم سامعوني علي كل الخلق عديت وكل باب دقيت وعملت وسويت وعليا وخليت وغيري صبح وانا بقيت ليا اوحده طويل زيه زي ليل الشتا سراب وبجري وراه لكنه بعيد المدا بصرخ وسط الناس مسمعش غير الصدا عشت في الدنيا اللي عشته والباقي حبه فكه باقي لي فيها ايه جيبت اخر السكه حته مني فيا بيتهبش الكل بيمد ويكبش شيطان في القلوب عشش الدم صبح مأيه الضفر من الحلم هج القساوه جايه من كل فج يا مسهل الكلام والنغج والقتيل مالوش ديه كسر النفس شيء سهل غريب وأنا وسط الأهل لا رحموا شيبتي ولا كوني بيقت كهل أحمد يا ناس مخنوق حوالين رقبته الفين طوق اميته الحال ينصلح والبال يروق خايف ياأمه يجيني ملك الموت مالكيش حد جاري وتفوح ريحتي وتطلع ولا حد بيا داري خايف أموت واتعفن وأتدفن من غير متكفن ولا حد يصلي عليا
