لا سيبوني
سيبوني أعيش حياتي زي ما حلمت انا بيها
سيبوني أمني نفسي بفكره جوايا مداريها
سيبوني أموت في حلمي اصل واقعنا مرير
حلمي قاعد جوه مني حلمي أكون كاتب كبير
حلمي أكون حلمي أكون كاتب فنون مش بهلوان
اسألوا عني الاهالي اسألوا عني الجيران
اسألوا ولا كان في بالي يقولوا دا ركبه الجنان
مش مهم اللي قالوه مش هبطل مهما كان
حلمي بس انطق وأحس باللي شايفه من زمان
مش مهم اللي قالوه مش هبطل مهما كان
ذنبي كله قولت هاكتب
قولت هاكتب عن بلدنا عن حياتنا عن زعلنا عن فرحنا
عن اللي صاحبنا وفاتنا من سنين
قولت هاكتب عالقدامي اللي راحوا أجمعين
قولت هاكتب عن اللي رافقني وسبني لوحدي في الدنيا حزين
من النهارده قولت هاكتب
من النهارده قولت هاكدب
من النهارده قولت هاشطب أسمي في الدنيا أمين
لا سيبوني
لا سيبوني أموت في حلمي ولا سعد ولا عز
ولااجيب عادل إمام ييجي ويمثلي فيلمي
لا سيبوني
لا سيبوني اكتب مسلسل
مهما تعمل مش هتوصل
برضو هاكتب
بس هاكتب باللي حاسه
مش بدور عالفلوس والشهاده
بس يكفيني اني قادر عالكتابه
مش بدور عالفلوس والشهاده
بس يكفيني اني قادر عالكتابه
أمين أسامه الشيخ / 18سنه / ت :0102420570 / مصر - قنا - قوص
تعليق:
هذه القصيده تعبر عن محنتي ومعاناتي ورد فعل المجتمع امامي عندما طالبت بتحقيق حلمي اني اكون كاتب وصحفي وشاعر
وكلمه كانت تتردد علي ألسنه الناس والمجتمع لي
الشعر مبيأكلش عيش يا ابني
