الشوارع هس 00 هس
------------------------

النهارده الكل قاعد في البيوت
والشوارع هٓس 00 هٓس
إوعي حد لفوق يبص
إوعي أحسن يتعمي 00 اللا يموت
النهارده الكل قاعد في البيوت
ايه الحكايه 00 ايه الروايه
قالوا : بدر الليل يعدي حدود ظلامه
فوق حصانه
يجي والضهر ف تمامه
يحجب الشمس البنوت
النهارده الكل قاعد في البيوت
فوق يا أدم ويُا حوا
ربنا صور وسوا
قلب عبده م الهوي زاغ عن صراطه
واللعين ما لهش شغله
إلا انه ياخده دايما تحت باطه
وف بحور التيه يسيبه
يحدفه دواً لدوا
والعلاج جاهز في لحظه كاف ونون
قول زلازل أو كسوف
قول وباء يملانا خوف
أيه م الأيات عجيبه
مهما قالوا إن فيها من عذاب
هي رحمه
النهارده الكل قاعد في البيوت
والشوارع هٓس 00 هٓس
0000000000000000000000000
ناصر صلاح