باحبك يا أمىىىىىىىىي

 
باحبك يا ضلي ... باحبك يا شمسي
باحبك يا بكره ... باحبك يا أمسي
بأقولها ف صمتي ... و أقولها ف همسي
باحبك .. باحبك ...  يا أملي ف يأسي
و أشرق و اغرب ... و ارجع إليك
و أقولك درايني ... ف حضنك و ضمي
باحبك باحبك ... باحبك يا أمي
 
باحبك و نبضي  ... شويه عليك
دا عمري اللي عشته ... بلمسه إيديك
و فرحه نجاحي ... أشوفها بعنيك
و شعري كتبته ...  بهمسه عنيك
و اشرق و اغرب ... و ارجع إليك
و أقولك داريني ...  ف حضنكو ضمي
باحبك باحبك ... باحبك يا أمي
 
يا شمعه ميلادي ... يا عقلي و فؤادي
لو أبعد تنادي ...واجي ليك يا زادي
بعنيك يا غاليه ... أحب الليالي
و اشوفك تماللي ... عروسه أمالي
و أشرق و اغرب
و ارجع إليك
و أقولك داريني ... ف حضنك  و ضمي
باحبك باحبك ... باحبك يا أمي
 
و اسمع دعاك ... يا ساكنه ف قلبي
و اسمع نداك أجي ... لك و البي
باحبك يا غنوه  ... تنور خيالي
و أسبح ف عينك ... تسبح ليالي
و أشرق و اغرب ... و ارجع إليك
و أقولك داريني ... ف حضنك و ضمي
باحبك باحبك ... باحبك يا أمي