يا صاحب الجلاله !
عايزين نقرا المعاني و نشوف إيه الدلاله
تسمح لي بالكلام ¿¿
تسمح لي بالكلام لو حتي ف المنام ¿
تسمح لي بالسعاده ! لو كان عندك زياده ¿
تسمح لي بالمحبه ! لو لسه فيه أحبه ¿
تسمح لي بالكلام ¿¿
إسمح لي أعيش صغير علشان تفضل كبير
إسمح لي مره أحلم ف الحلم أكون وزير
إنشا الله وزير أوانطه محتاج منك لخبطه
و حتبقي أحلي غلطه لو تخرج م المنام
تسمح لي بالكلام ¿¿
ليه الشفه الجريئه ليه العين البريئه ¿
محرومه م الكلام لو حتي ف المنام ¿
ليه صدرنا الفضيله و استوردنا الرذيله ¿
ليه المخلص يهاجر تفرح بيه البواخر ¿
و يفوت لينا الضباب يزرع فينا السراب
تسمح لي بالكلام ¿¿
تسمح لي بالكلام مع حفظي للمقام ¿
إزاه و فين و ليه النجم دا يطلع إيه ¿
ازاي رقاصه سمره تتوضا بربع خمره ¿
و ازاي أول فصولنا اللي بيسحر عقولنا
و شهادته امتياز سهران علي لمبه جاز
مستني الإشاره من صاحب العماره
علشان قلبه الكبير يسمح له يكون غفير
تسمح لي بالكلام ¿¿
ليه وسط الشعب العادي اصحاب الكعب العالي
بيدقوا قلوبكم أكتر ¿¿
ليه وسط ألوف و ألوف ناس تخرج ع المألوف
و لا حاجه عيهنا نستكتر
تسمح لي بالكلام ¿¿
إزاي مسئول بيحكم في اليوم ألفين قضيه
و ازاي يلبس يوماتي قىٓمصان قد المىىىاهيه
و ازاه عبد الروتين يعلا فوق السىىىىىحاب
و ازاي سايبينه يقتل أحىىىىىىلام كل الشباب
ازاي مصر الفتيىىه تشحت ف الأزبكيه
ماتت أحلام صبيبه و تموت حتي التكيىه
