علي مين يابا


ناطرين من يوم ما انولدنا
ناطرين حلول ..

بنسمع عن هدنه
عن ناس بمنصب مشغول ..

عن خون وحراميه
عن ناس مصيرها مجهول ..

تربعنا بنستني أخبار
علينا تهل
وكلام معقول ..

كلوا نفس الحكي
كلام ما بيدخل عقول ..

بيضحكوا علينا بمعابر
ومونه علي وشك الوصول ..

هيك حكام ترصدت
وعليهم حسبي وشو أقول ..

مناصب رايحه جايه
تلف وتدور وتجول ..

وكلوا نفس الحكي
كلام ما بيدخل عقول ..

موكب رايح وجاي
محمول ومحمل أسطول ..

علي مين يابا الحكي
علي شعب الاصول ..

عنا قرار بألف كلام
ويا قاتل يا مقتول ..

لا قرار بيتطبق
وبيذبحوا علينا عجول ..


كلوا ضحك ومسخره
علينا عرض وطول ..

مصايب من كل مكان بتهل
ساكتين وكرامتهم بتقل ..

علينا قرارات تتوقع
وعواقب علينا تهل ..

بطل ينفع هالحكي
حسابهم جاي وما بنمل ..

يعني النا وعد
النا النصر يكون
والحريه علينا تهل ..

بقلمي ( كنعان ابو شاويش )