سألت ¿¿
وجاوبني جدي
وجدي ذاكرته قويه
في زمناتو كان مغلب دوريه

وراه من حاره لحاره
وطلعت تفزعلوا بدريه
بس يا حسرا ما تجوزها ..
ماتت بالشتويه
وهوا من يومها لابد تحت البطنيه

انا بتطلع وبراقب حوليه
وهوا ولا عند باله
وشاغله باله بدريه ..

الله يقطع هاليوم
يوم ان لاحقتوا الدوريه
وعرفها لبدريه
كان عامل فيها وطنيه
وصار عنتر أبو الرومانسيه

هيك قال اوعي يبني يبتزوك بشويه
سألت شويه
قلي ما افهمت انا عارف
قلي مره ومساري وطشه جويه

يلعن هاليوم اللي طلعت فيه
علي الدنيا من الصبحيه ..


ما اعرفت غير القهر والظلم
وخالتك سعديه ..
قرفوني عيشتي
وطلبت شاي .. جابولي مرميه
قال يعني عيان أو بهلوس شويه

قلتله يا جدي بلكي الحال بيتغير
بعد ما سألته عن حالته اليوميه
قلي اسكت هادي مش عيشه يا بنيا

رحلت عني بدريه
راحت الورده الجوريه ..
وانا بعاتب بحالي ليش ما الحقتها
الحق مش عليها والله الحق عليا
قالت تعال غير جو وطش شويه

رفضت قال الغربه مش حلوه
عملت فيها ابو الوطنيه ..
من بكره طالع وانشاء الله بتخرب
من بعديه ..

قتله يا جدي بس
انت مطلوب للدوريه
يعني ما راح يطلعوك
بعدين مالها الوطنيه ..
قلي خربت من بعد ما ذبحوا بعض
هالفلسطينيه
كرسي عمل وراه ملحمه
مبادئ والحين دور عليا يا خيه

روحنا عن البال
وحقوقنا ما ضاعت
صارت منسيه ..
عمدنا هالارض
شقا وتعب بالطريه
اجوا باعوها بمصاري رمزيه

تعبنا راح وارضنا صارت
منتزه للغربيه ..
فضلوا غيرنا الها
ومحونا
صرنا من عقولهم منسيه

قلي لا تغلبني يا ولد
اعمل اللي بدك اياه
ارحل شهيد للحوريه

بس اوعي تفرط بفلسطين
الورده الجوريه ..
ودير بالك علي حالك
من لدغه الحيه ..



بقلمي ( كنعان ابو شاويش )