جىىىىىىىىىىرس المحمول



رن المحمول .. .. وسط الزيطه
عامل هيصه .. .. و الكل بيبص !
من غير تمييز .. .. رد التلميذ
وبصوت معسول .. .. الحلو يقول :
أيوه يا دادي
... أنا في النادي ... أنت سامعني ...
.. .. .. قدامي يا بوله .. أو بولتين
.. .. .. بس البنتين
و اقفين ع الناصيه يعاكسوني
أيوه يا دادي .. ..
انت سامعني ¿!
لسه البنتين
و اقفين ع الناصيه يعاكسوني
و الفكره احلوت ف عيوني
أمشي وراهم بالزلموكه
لونها الموكه ..
لون بشرتهم
و لا لون النيل .. ..
أيوه يا دادي .. .. انت سامعني ¿!
يمكن عايزين .. ..
.. .. .. .. .. يعرفوا أسراري و أسرارك
أيوه يا دادي .. ..
انت سامعني ¿!
يمكن غاويين .. ..
.. .. يعشقوا أفكاري و أفكارك
يالله يا دادي .. .. البليه حتلعب من تاني
و حيرجع نجمك ف النادي
أيوه يا دادي .. .. انت سامعني ¿!
رد يا دادي
.. .. سكت المحمول !!!