مات الجمر وقلوب الأحباب حيه
والموت لا ماتت قلوب الحبايىىىىب
العام كان لي من الأحباب ميه
وقت الرخا لكن جفوا بالنوايىىىىىىب
لاهنت يا قلب شكي من خويه
كم راس من طعنات الأحباب شايب
مرات أقول أن الخبل يا هنيه
ولقيتهم يشكون من ظلم القرايىىب
ومرات أقول أن النذل نارهم حيه
وأثر النذل في بعض الأوقات صايب
يانفس شيليها علي السامريه
شيله طرب ماعاد فيها طلايىىىىىىىب
وش لي بتنبيه القلوب العميه
وحنا بهب الدنيا دروب وركايىىىىىىىىىب
أبتغزل في هذيك البنىىىىيىىه
بنت تفىل القلب فل الذوايىىىىىىىىىىىب
كم بعثرتني واجمعتني هنيه
بنفس المكان اللي جمعنا غرايىىىىب
يا ضعفها معهم وعندي قويه
منها غدا ثلثىىىين قلبىىي خرايىىىىىىىىب
مرباعها بين القلوب الشقيه
ومقياضىىها بين الجروح القطايىىىىىىىب
مأقول زينها يذبح بس هيه
تلفت لها قلىىب عن الحىىب تايىىىىىىب
تلفت لها عود عن الحب تايب
ما أقو مغروره ولا هي حليه
فيها طلع طفىىىل تبىىىىناه شايىىىىىىب
جمال نجد وفتنه حايليه
وش جمع الثنىتين فيها عجايىىىىىىىب
إليا أقبلت بين حسنات وسيئه
يا كثر ذنوبي بين طيب وغصايىىىىب
وإليا ادبرت فيُ دمعتين نديه
قلب معاها وقلب في الصدر ذايب
راح العمر مابين روحه وجيه
ياكثر غلطاتي ولانىىىي بهايىىىىىىىب
شب الجمر ما دام الأشواق حيه
وطف العتب والعمر ضحك ومصايب