زمىىىىىىىىىىىىىىىىان



كان حلمنا أكبر
                                     يمشي و يتمختر
بين الملوك يكتب
                                     و عمره ما يكدب
كنا احنا و العاشقين
                                     فوق السحاب طايرين
نجري ما نتعبشي
                                     نعشق ما نشبعشي
و نقول كمان يا زمان
                                     كنا صحيح يا زمان
كان حلمنا أكبر
كان حلمنا نكبر
                                     نكسب و لا نخسر
نسهر مع الروايات
                                     نسمع يا ليل حكايات
و البسمه نرويها
                                     بالحب نحميها
و الساعه مهما تدور
                                     تطرح قلوبنا زهور
و نقول كمان يا زمان
                                     كنا صحيح يا زمان
كان حلمنا أكبر
كان حلمنا ساكن
                                     فوق السحاب لكن
نقدر نطير وياه
                                     و نقول غناوي معاه
و اللحن من قلبنا
                                     يعزف مع حبنا
تسبقنا أيامنا
                                     تلحقها أحلامنا
و نقول كمان يا زمان
                                     كنا صحيح يا زمان
كان حلمنا أكبر
كان حلمنا فارس
                                     بيقول و بيمارس
كان حلمنا فكره
                                     كان حلمنا بذره
قلوبنا ليها جذور
                                     و عقولنا ليها زهور
مهما الزمان حيطول
                                     تفضل ربيع لعي طول
و نقول كمان يا زمان
                                     كنا صحيح يا زمان
كان حلمنا أكبر
كان حلمنا صغيور .. ..
                                     لكن بلون النور
كان حلمنا كلمه
                                     كان حلمنا حكمه
بتعيش ف قلب الناس
                                     و بتطرح الإحساس
يملا الوجود مغني
                                     تنبض مع المعني
و نقول كمان يا زمان
                                     كنا صحيح يا زمان
كان حلمنا أكبر