انسي همومك
شيلها لغيرك
الغي مبادئك الغي ضميرك
علشان تعيش لازم تخون
واهو كله عشان المصالح يهون
بيع صاحبك بيع اخوك
بيع كل اللي بيحبوك
ده الحب ياما موت كتير
وان عزت تسأل شوف شكسبير
هيقول لك يا ابني الحب خطير
اياك تكون للحب اسير
الحب ده قتل جولييت
حسره عليها البت
لو كانت عاشت في حالها
مكنش جري لها اللي جري لها
غلطتها انها قررت تحب روميو
واللي حبوا ياما عميوا
حب ايه اللي انت جي تقول عليه
ده الحب هلك شمشون وخلص عليه
ومن هنا جت قوه دليله
انها مكنتش للحب ذليله
خانت شمشون
وده كان شئ مضمون
عشان الدنيا عامله حسابها
اللي يخون بيفتح بابها
واللي يحب يا ويله من الدنيا
هيشوف منها حاجه تانيه
هيشوف ذل هيشوف مهانه
مش هيشوف من اللي حبه غير الخيانه
عشان كده لازم تخون
اللي يحب اكيد مجنون
لو شفت محب ارجع اراضيك
متخليهوش بحبه يعديك
نصيحه قدمتها لك وانت حر
لو خنت هتجد ما يسر
وان حبيت هتدوق المر!!!!