الهلس في ايده   يهد صخور
الهلس يقدر يشق بحور
يخلي الاعمي يشوف النور
يقول فتحت
طب بص لتحت
معقول انا سابح فالسما
انا سبت الدنيا ملغمه
سبت الفقر سبت العمي
وصبحت ولا اجدع هلاس
ده الهلس كان ومازال
يطيب جراح وينقذ اجيال
يشق صخور يهد جبال
يستر يٓتم كوم عيال
وانت   يا صاحبي
مش لازم تخبي
ده انت مصري
ولولا الهلس مكنتش عايش
بيقولوا المصري ده اخف دم
وهيعمل ايه ما هو من كتر الهم
سبع تلاف سنه والهلس ساندنا
وهنعمل ايه ما هو مش بايدنا
مكتوب علينا نعيش غلابه
والله الغلب هلكنا يابا
ويطلعوا علينا الهتيفه
يقولوا لنا دي عيشه جامده عيشه نضيفه
واحنا بين كل مصيبه ومصيبه مفيش
من عباره لقطر لطابور عيش
لو دوله عاشت احوالنا
لو جري لها نص اللي جري لنا
كانت ناسها ماتت بالملايين
والسبب الوحيد اللي مخلينا عايشين
اننا بالهلس نايمين صاحيين
وادي مسئول
طالع يقول
برخص التراب بعت عمر افندي
والحمد لله فلوسه عندي
واهو دلوقتي انفلونزا الخنازير
والحمد لله مبتجيش غير للفرافير
جهز يا ابني الطراطير
مصيبه تانيه وجيه لنا
روح نادي الهلس يحصننا
وانا دانا انا دندن
بالهلس الشعب المصري تفنن!!!!!