خلاص يا شباب مفيش اشعار
وانا بعترف ... طلعت حمار
مش لاقي حاجه اكتبها
كل ما ابتدي في حاجه بخربها
يظهر اني كنت مخدوع
وطلعت عيل جربوع
معلش خدعتكم معايا
واللي انا كتبته علي هوايا
طلع اي كلام في كبايه
مش قادر اطلع حاجه سليمه
ولا حتي كام سطر عليهم القيمه
يظهر ان الوحي كان غلطان
ده بجد غلط في العنوان
انا حاسس عقلي عامل ميت
وقلمي عايز يتزيت
من الركنه من غير شغلانه
واه يا بنات افكاري يا غلبانه
مش عارف استتكم ولا اهنيكم
وشكلي كده هتشحطط بيكم
تفتكروا ايه اللي جري لي ¿¿¿
شده وهتزول ¿¿¿¿
ولا خلص المفعول
بتاع حبوب التفكير
ولا انا محتاج تغيير ¿¿
اخرج اصيف اشوف البحر
يمكن اطلع منه بفكرايه
او انزل اقابل بنوته
ممكن تلهمني بضحكايه
محتاج الاقي حل ضروري
مش عايز اخسر جمهوري
ولا احسن ارد الباب ¿¿
واعيش في اكتئاب
ما انا خلاص طلعت نكره
مش عارف اطلع بفكره
اعمل منها اغنيه
والناس تقول لي وهميه
ايوه وجدتها !!!!!
انا شاعر لسه بقالي شهور
ولسبب ما بقيت مشهور
وده زعل شعراء ابوللو
وقالوا ده هيسرق جمهورنا   كله
ولما لقوا شعري احلو
قالوا لا ده هياكل الجو
قاموا عملوا لي عمل مخيف
نساني التأليف
طب اعمل ايه حد يفهمني !!!
اعوص ايدي فالدم وارسم خمسات
ولا اكتب علي ضهري الحلوه عليها اقساط!!!!!