كروان الفن وبلبله
مش لاقي حد يوكله
وشعر الصدر حسين
بيكسب بالملايين
يا فرحتي يا مصريين
من عبد الحليم في جبار
وصلنا للنار النار النار
والله لو ام كلثوم
لسه عايشه كانت هتقوم
تلعن ام ده يوم
اللي اتسميتوا فيه مطربين
ده الاحسن تتسموا متربين
وانا مش معترض علي اللي بتقدموه
بس ركزوا قبل ما تصنفوه
ثلاثي اضواء المسرح كانوا عالميين
وبعشق فن شكوكو واسماعيل ياسين
لكن لا شكوكو قال انه بيطرب الناس
ولا ياسين قال انا غنايا احساس
مش عايز وانا بختار
حاجه تطربني الاقي دمار
عايز الاقي علي الحجار
وسيد حجاب بيقول اشعار
عايز اسمع احلي فيروز
اهو دول اللي يضيفوا للمغني كنوز
بس ان جيتوا للحق احنا اللي محقوقين
احنا اللي رفعنا شويه بوابين
وعملنا منهم مطربين
خلاصه الكلام عشان ابقي خفيف
كملوا في شغلكم السخيف
سموه اسفاف
سموه استخفاف
سموه اللي ميتسماش
بس بلاش
بلاش تسموه طرب وتحقروه
زي ما هنسبكوا سيبوه
واللي مش عاجبه كلامي ميقراهوش
بس انا مش عايز طرب مغشوش !!!