انا اللي حناني ليكي كأنه ما كان
وانا اللي حبي جار عليه الزمان
وعيني منك شافت هوان
شافت الم .. شافت ندم
شافت جرح عمره ما كان
كان موجود في مره حبيبه
وكانت هي لقلبي طبيبه
كانت مره قريبه مني
وكنت في قلبها شايف الطيبه
كنت بدور علي اوراقي
قلت انا هاوصف ايه وازاي
قجاه لقيت الورقه اترسمت
ولقيتها علي الورقه سعيده
كنت بشوف في عنيها النظره
تسرق قلبي وكل حياتي
واما بلاقي عليها الفرحه
بجري وادور في ابتساماتي
يمكن الاقي بسمتها معاهم
واتمنيتها معاها حياتي
اتمنيتها في قلبي .. وف نظراتي
اتمنيت الدنيا هديه اقدمهالها
حاجه بسيطه من عباراتي
ولما لقيت منها النظرات
وان هي كانت عايزاني
وان قلبها برضه ناداني
قمت بسرعه وحسيت قلبها سابها وجاني
حسيت انها خلاص حباني
وانا بمشاعري بلاقي الدنيا دي جنه كبيره
واما الاقي القلب يقرب من الاميره
خفت..! ليكون حلم هادي ف ليله جميله
سالتها.. انتي جنبي ¿ خفت يكون الحلم خيال
قمت سمعت خيالي بيهمس
ايوه معاك وحياتي اسيره
ايوه معاك احلامي لقيتها
وهحققها في دنيا جميله
دنيا قمرها وشمسها انت
دنيا هواها ودفئها انت
ايوه معاك وحياتي ما اسيبك
مانت خلاص بقي قلبي حبيبك
قلت انا نفسي امسك ايدك
قالت لا دا ف احلامك
دانت كفايه عليك نظراتي
وابتساماتي
وان عنيك كل حياتي
قلت انا نفسي امسك ايدك
قالت مش كفايه اهاتي
لمسه واحده تزود حنيني
تضيع انيني
تكمل حياتي
حسيت بايدها جوه ايدي
حسيت في ايدها خطوط حياتي
وبصتلي بعنيها..لقيت الدنيا فيها
لقيت الفرحه دنيا
وقلبي ملك عليها
حسيت بخوف للحظه
وقلت اكيد حبيبتي
لقيت عنيها شمسي
لقيت هواها طيبتي
وبعد يومين حسيت بقلبي بيتنفض
حسيت احساس غريب ..حسيت وداع
وفجاه لقيت الحلم ضاع
وقلبي ينادي بصوت مبحوح
واسأل فين يا قلبي تروح
قالي هدور علي بسمتها
يمكن اعرف يوم سكتها
مالقيتهاش ولا حتي في بيتها
حتي القصر بتاعها في قلبي لقيته مهجور
وجناين قلبي سابتها الطيور
حسيت الدنيا بتنتهي
قلت عشانها هالف وادور
قمت لقيتني لوحدي مسافر
وان الدنيا قلوب ندمانه
وان الباقي قلوب سهيانه
خفت اوضح ليها طريقي
ارجع الاقي عيوني جبانه
خلاص ..خلصت الصبر ف غربتي
خلصت كلامي في سكتي
خلصت اساسا ضحكتي
وضاعت قبلها فرحتي
قدري يا دنيا اعيش وحيد في دنيتي
واموت وحيد في سكتي
