بسم الله الرحمن الرحيم
-----------------
مفيش امل في دنيتك تعرف تعيش
ولا حتي تلاقي في قلبك حب .. مفيش
كل حاجه بعد القسوه بتهون
وكل كلمه بعد البعد بتخون
وبعد الوداع اتقفلت كل الجفون
واتغيرت كل الاماني واتحولت ظنون
مفيش اكيد .. الحب راح
مفيش سعيد ..دا الشوق جراح
الشوق اللي رماني في الالم وانا صاحي
اللي زمان عذبني ولا داوا جراحي
وبعد الحب خلاني كرهت حبيبي
وبعد القرب وداني خلاص لطبيبي
وهاعمل ايه ?!!...مفيش احلام
واطياف حبي تاهت في ليل كله ظلام
وخيالي كمان تاه من الاوهام
ومش عارف كلامي لمين
بصحي الجرح بايديا
وبسهر كل لياليا
ومش عارف حبيبي ناسيني
وباع خلاص نظره عيني
وخلي جراحي تكويني
وانا في عقلي وتكويني بحبه موت
ولو تبعد في يوم عني مسيري هاموت
وبين شفايفها بسرح فيها من غير صوت
ونظره عينها علمت قلبي السكوت
وبعد ده كله
مش عارفه.. ومش حاسه ..وعايزه اتأكد
وبعد ده كله بتيجي علي قلبي وتنكد
ومش عارف عملت انا ايه
عشان حبيت
عشان شيلتك في نن العين
ورسمتك عالخدود بوستين
عشان في حبك تهت ومعرفتش طريقي منين
تقولي انساني
تهزي كياني
تروحي بعيد وتتحدي
انا خلاص محتار فيكي
وبعد ما كنت انا شاريكي
وبتمني اروح مره اراضيكي
وبتمني اكون ليكي
بقيت خايف اشوف مره صدي عنيكي
دي نظره عين تدوب كل الجرح جواكي
تخلي جراحي تنساكي
تقرب حبي لهلاكي
دي نظره عين ولمسه ايد بتهواكي
وعمره ما لحظه فكرت ان انا انساكي
لان القلب يهواكي
وحتي العقل يهواكي
وحتي الروح مسامحاكي
