ياقلبي يا محتار
ما بين جنه ونار
بحر من الافكار
وبير من غير قرار
وليل طويل غريب
ومش طالع له نهار
................
حبيت ياعيني من غير سبب
والحب ده اعجب من العجب
نار بتحرق بس من غير لهب
بيحرك مشاعر وليه القلم كتب
دا ياعيني اللي يلاقيه يحفظه
دا في غلاوته اغلي من الدهب
........................
حنقول كلام فيه كل الصراحه
حكم وامثال مش ناقصه الفصاحه
سيبك من الحب تعيش في راحه
رد واحد عقله منتهي الرجاحه
وانت مالك يا اخي هي القلوب
من غير الحب تعيش مرتاحه
...........................
بحبك وححبك يا دنيا من الامل
حياتي من غيرك بحر من الممل
صابر علي بلوتي صبر لايحتمل
ماشي لغزه راكب ضهر جمل
واكيد حلقاكي في نهايه الطريق
بس لازم اكيد من شويه عمل
.....................
ساعات بنحلم والحلم بيكون اجمل من الحقيقه
ان حبنا عايش ومشاعرنا حتفضل دايما رقيقه
وان الساعات اللي بينا حتعدي علينا في دقيقه
وان ما بينا مش كلام وبس دي روابط وثيقه
ونتفاجئ بعدها ان اللي فات ده وهم وخداع
وان مشاعرنا اللي عشناها في الوهم غريقه
............................
بحبك يا بحور العشق والحب والهيام
يا اجمل اميره من اميرات الاحلام
حبك حبيبتي نورلي دنيتي بعد ظلام
فانت الهدي لحياتي وامل باقي الايام
حبيبتي لو كان حبك ده مجرد حلم
حانام عمري كله واشوفك في المنام
