درويش لما قال زمان
أحسن جيوش في الأمم جيوشنا
وفي الشدايد تعالي شوفنا
ساعه مانلمح جيوش الأعادي
نهجم ولا شئ يقدر يحوشنا
رديت وقلت أنا كمان

يا خساره علي الولاد
لما نسيوا أن لنا أمجاد
وطأطوا العين والراس
وسابوا اليهود حراس
علي الأقصي وعلي القدس
رجعت أيام الفرس
من قانا لغزه بنبكي
زي الولايا ونحكي
عملوا فينا وطاحوا
وأدي الرجاله راحوا
مبقاش غير الحريم
لابسين بادي علي دريم
والوسط ساقط لتحت
وعقل الشباب شت
الوحي هبط بزجل
جريت وكتبت بعجل
كتبت أشكي لكم همي
من خوفي علي أختي وأمي
وبنتي اللي لسه صغيره
لتشوف الدنيا متغيره
متغيره عن الطبيعه
والفطره والشريعه
يارب أهدينا وخد بأيادينا
ولبر الأمان وجهنا وعدينا