مش قادر أقول ولا أتكلم
بس اللي جوه قلب قلبي معلم
علامات طول وعرض
وحرقه علي الناس والأرض
الناس في حاله جمود
والأرض في إيد اليهود
واللي يحرق قلبك بالنار
اللي أحنا فاكرينهم كبار
عايشيين عيشه باشوات
وأحنا ياولداه أموات
وياريت أموات وسابونا
دول لسه بيعذبونا
قلت لهم يا ناس ده إجرام
الضرب في الميت حرام
أتاري صوتي مبحوح
وخروجه مش مسموح
لكن برضه هفضل أتكلم
ومش ناوي في يوم أتعلم
أبقي زي تنابله السلطان
اللي عاشوا حياتهم حرمان
حرمان حتي من احلامهم
ومن البوح بكلامهم
مع أنه همس قليل
في ودن سماعها تقيل
هصرخ وأقول بصوت عالي
يارب أخلص من أحتلالي
أحتلالي من كبيري
اللي قتلني في سريري
قبل ماخرج للناس
وأسقيهم اللي في الكاس
اللي شربته من سنين
وخرج مني صوت الأنين