سمكه وشبكه


    في البحر سمكه
                            بتتنطط علي شبكه
في الميه بلطيه
                      بتتعايق علي سمكه
قصتها حرده
                      وضحكتها عبير ورده
...............................................................

أهه الصياد
                        قاعد هناك ولا بيصطاد
رمي في شباكه
                        كل أخلاقه
متوكل علي المولي
                        ومستني أرزاقه
وأهه السمكه
                        بتتنطط علي شباكه
...............................................................

سمك لبن تمر هندي
                        هو دا قاموس الحياه

اهه أبتدا
                        فين يكون منتهاه......¿
في الصحرا
                        يمكن جنته
ولا المحال
                        يمكن علاه
.... ..........................................................

اهه صياد
                        بسناره زي السحاب
منظر جميل
                        تيجي تمسكه وفي ثانيه داب
فرش الخيال علي الميه
                        للبلطيه والعقل داب
لب القضيه
                        طلعت من الميه واجهت سراب
...............................................................

صوت القروش
                        بعدالوليمه جايه تحوش
اتحنت
                        دفعوا الوحوش
اتعمت
                        مشيوا الوحوش
...............................................................
أهه الصياد
                      قاعد هناك ولابيصطاد
الحقوه
                      هو دا جاني القدر
قيدوه
                      هو دا كل البشر

لا............لا.................لا............لا

    مش أنا اللي زرعت الميه   بالحند ضل
   
    ولا صنعت السم   من   السكر
   
    ولا الميه   ببلطيه جادت   ليه
   
    واهيه   الشبكه   ولاسمكه علي عنيه