مش مهم يموت شاويش أو جاويش
و لا زهره فىىىى الربيع
مش مهم يموت صنم
و يموت هرم
و لا ندبح الرضيع
المهم نكون سوا لحظه هوا
متربعين و مفرفشين
*****
المهمه و الأهم
ان احنا نكون أهم
هي دي لب القضيه !!
مش مهم يدوب حجر لسه الصخر
فىىىى قلوبنا يطرح
بالقضيه غيرنا يسرح
******
مش مهم النار تزيد أو حديد ياكل حديد
مش مهم تكون خساره ......
مش مهم تموت حضاره
المهمه و الشطاره ان احنا و السكاري
نكون نقابه ...
تكون رقابه
تحصي مين خالف هوانا ¿!
******
مش مهم القدس تصرخ للمجيد
و لا نسوانا الحواري تكون جواري للعبيد
المهم يكون يا غالي صوتنا عالي
يوصف و يشجب...
أرقام و يكتب
نسهر و نحسب
عدد الضحايا و رصيدنا كام
