حا حاول ما جيش

------

حا حاول ما جيش
عشان ما تزعليش
عشان دمعهعيونك
ع الخد ماتجريش
عشان بسمه شفايفك
تبقي ولا تنتهيش
وعشان ما تزعليش
حا حاول ما جيش
مادام لقانا دايما
دمع وبكا وأنين
بتنسي شوق لقانا
وتفكري في السنين
والحزن ع اللي فات
والدمع والأهات
وعشان ما تزعليش
حا حاول ماجيش
ليه دايما بلاقي شفايفك
بسمه ولا تضحكيش
ليه دايما بلاقي عيونك
فرحه ولا تفرحيش
ليه شايفه الأمل دا سراب
دا عيونك ما بتخبيش
وما دام لقانا حزين
والنار ما بتنطفيش
حا حاول ما جيش
عشان ما تزعليش
---------