غيرتني وملكتني
وعلي مكان بعيد معرفوش ودتني
وهناك فجاءه سبتني
لقيت هناك ناس فيهم نفس ملامحي
حزانا علي شيء مش عارفه
زي ما انا زعلان علي اللي رمتني
قولت انا اسئل انا فين والي هيقدر يرجعني مين
قالوا انت في مكان للمجروحين
الي نزلوا بحر الحب ولسه في الوهم عايشين
قولتلهم انا عايز ارجع انا لسه في عمري سنين
مستحيل اقضيها ودموعي ماليا العين
قالوا يبقا روح للنسيان وهو يرشدك لبر الامان
فضلت ايام وليالي ادور عليه
وانادي وفي كل مكان افتش فيه
اهوه لقيته الحمدلله .... بس هروح اكلمه اقوله ايه ¿
يا نسياااااااااااااااااان لو سمحت انا عايز ارجع مكان ما جيت
قالي تقدر تنسا انك في يوم حبيت
قولتله انسا ازاي حبيب سكن الوجدان
دا انا كنت بدور عليه وعلي ما لقيته كان عدا زمان
قالي هتفضل عايش معانا شويه كمان
مع كل حد حب بإخلاص وما خلاص
مش مأثر فيه النسيان