حبيبي لو ناوي تعمل مشاكل
لوناوي تعارض تقاوم تناضل
صدقني الحكومه مش هيسيبوك
و في اقرب معتقل هينفخوك

هتكون منافق تبوس الايادي
هتعيش كريم وتسكن في المعادي
هتفضل تكاكي بلادي بلادي
هتعيش حقير في العتبه بتنادي

ونصيحه يابني بصفه ابويه
بلاش تدور علي الديمقراطيه
طول مانتا عايش في الجمهوريه
يابني اصل دول ناس مفتريه
خليك انت بس في الكليه

خليك في حالك متشغلش بالك
الدنيا ولعت ياعم انت مالك¿
واوعي تيجي جنب الريس
اديني قلتلك بلااش الريس