قنابل علي غزه أف لون رماد
عمت لعباد.....
دخاخينها البيضا كلت لجساد
..............
قنابل علي غزه الفسفوريه
وعنقوديه .....
واللي تنشطر في الجو والأرضيه
واللي تنقسم لا فوق الف شضيُه
وأتقول مزاد ....
في كل طلعه يرتفع عدُاد
ألتمت علينا جيوش ماسونيه
ورا الموساد ......
أمعاهم عرب لنُا بقينا أضداد
ما أتقول بينُا لادمُ لاودُيه
إن قلنا جهاد.....
يلوٓوا رقابيهم إخربوا الميعاد
...............
مزُقوا الأطفال.....
وأعراضنا تنجي خبر موحال
أشلاء النساء متخلطه برجال
وشيوخ قطعوها أطرافهم في الحال
وحياه نكاد.......
وجيوش العرب لارسٔل لاورُاد
حكام العرب من شاف غزه بال
م الخوف ماد .......
رافع الرايه قبل م الميعاد
يا شيخ يا مير يا ملك يا دجُال
طاب الرُقاد........
كيف حوصرت غزه وصار اعناد ¿¿
وراكم الله وشعوب كي لجبال
وما تنقاد.......
للأعمالكم وأفعالكم م الباد.....
ماتوا أطفال عرب.....
ماتوا حرام اصغار شي مرعب
ماتوا ضنانا وما اهناك سبب
ويا ورُاد......
هابا علي غزه لابسا السُواد....
حزينه علي من مات قبل الأب
هجم عرباد......
مجرم دني واطي عديم رشاد
أمحصن اب دبابه وفيه غضب
ونحنا ازناد......
يا دوب طلقه اف راس هالقواد
ونبدا الحرب إمعاه م المغرب
أمع السُواد ....
نحنا اف ظلام الليل له حصُاد
من أرضنا إنجليه ابن الكلب
ان ربي راد.......
لا عندهم لا أرض لا ميعاد
................
ماتوا اصغار الوطن......
وماتت نساوينه بعد ما اربطن
مات كل شي حتي جنين البطن
أو وينهم لجواد......
إللي يفزعوا وما إعدُهم عدُاد
كيف سيل يطافر طفير أمعطن
عليه أركاد......
زوايل غزاها قوم في الميراد
أسود يردن دم كان اعطشن
ويزول نكاد......
كانهم امعانا يفزعوا لبعاد
أمه محمد عليها لفاعي اقشطن
ويا النشاد......
مشوارها ما زال بو مدُاد
..........................
أمه حزن......
أمه مريضه م الشقا والقزن
أمه ضعيفه ما لها شي وزن
أمه ألضاد.......
لأحفاد فيها حشموا لاجداد
ماتت النخوه ماعاد يمطر مزن
حييُد غاد ......
ألمن داسه سلاحك قديم وباد
كذاب ما تقدر إتشيل الرزن
وفيك فؤاد......
خفبف ما يحمل ان صك إزناد
قدام إسرائيل ما لك وزن
خفت م الموساد .....
إيصفوك يا ذلال وان أرقاد
