الغلا يسري
الشاعره القطريه العنود سعود

أحبك والغلا يسري
بدمي وسط شرياني

أحبك يابعد عمري
ولا لك بالغلا ثاني

فديتك بس لو تدري
غرامك وين وداني

سرقني وامتحن صبري
بشوقي حيل بكاني

دموعي كالنهر تجري
بخدي فوق ودياني

ياليتك ترجع لصدري
واضمك بين احضاني

وتلمس ناري وجمري
وتعرف حجم بركاني

أحبك ياضوي فجري
ونوري بين اوطاني

يازهره حبي العذري
وساكن بين وجداني

احبك وامتلي شعري
بإسمك غنت الحاني

قصيده نبضها حبري
عشانك يابعد شاني

اشمك حتي في عطري
وأشوفك حتي باخواني

تغلغل حبك الخمري
بنبضي لين اشقاني

فديتك حتي في قبري
بشيلك بين أكفاني