مطرح ما تعمشق العصفور ب قراني الشجر
ومطرح ما دابو حبات التراب بقطرات المطر
بحبك .... بحبك متل عاشق عم يجمع صور
بحبك ياضيعتي .. يا بحه ناي .... يا نغمه وتر
* * *
يا ضيعتي يا مواسم جني بكل الفصول
محلي لقاكي ... محلي بيدرك ... محلي السهول
منك أخد الهامو كل شاعر.. وفكرو عالأصول
ومنك كتب اسمك ... ع جواز السفر
* * *
محلي سنديانك الشامخ .... والدلب العتيق
ومحلي شجر رمانك ع كتاف الطريق
بحبك ياضيعتي .... يا رفيقتي ..... يا أغلي صديق
فيكي مخبي كل ذكرياتي مع كل الصور
* * *
من الفجر أهلك غاديه ع كروم زيتونك
ومن شق الصبح تزرع البسمات من ناس حبونك
خايف يا ضيعتي ..... يتلعثمو الكلمات
وبدل .. ما كون عاشقك ...... صير مجنونك
