كون إن حد بيعشقك
أحساس جميل
يخلي كل الكون شجر
لو حتي كنت متعشقوش
لو لسه قلب بيرسمك
صوره لحبيب
علي ورقه بيضا ملونه
بلون الفرح
والكون طرح
بساتين وزينه منوره
كل الوشوش
بتكون بشوش
لو حتي كنت متعشقوش
إحساس عجيب بيطفي
نارك من الجروح
إنسان بيعشق خطوتك
لو مره جيت
أو جيت تروح
وضل تاني جنب ضلك
في الفضا
يتمني كلمه حنينه
يتمني لو نظره رضا
تفرح بقربه متبعدوش
لو حتيكنت متعشقوش
الدنيا لسه قريبه
وأيديك بتلمش شعرها
والعمر كله بين أيديك
ولسه راكب قطرها
مش مر بس تدوقك
بأيديك بتقطف حلوها
والشمس نورها بيوصلك
والفرحه حسيت طعمها
احاسيس كتيره تحسها
لو أتحبيت
من قلب حقك تشكره
لو يوم لقيت
إنسان بيوهبلك حياه
تعيش معاه وتفرحو
ولا يوم تفكر تجرحو
وبنار غرورك متحرقوش
مش يبقه ذنبه بيعشقك
متقربوش
لازم توده بالوصال متضيعوش
لو حتي كنت متعشقوش
