خلص الكلام من فوق لسان الندم
خلص الكلام من علي سن القلم
ونزل الستار
نزل الستار من فوق عمود الغرام
وداري اللي كان باين من الأيام
نازل يقول انا كنت فوق تعبان
محتاج يومين لما يقوم يتعود
علي أيام كتير جايه بدون أحلام
وحاش الستار
حاش الستار من وراه حكايات
قصص عشاق قاعدين علي الأشواك
وبعد مانزل الستار .... انفجر حي ايام زمان زي مايكون الغام
وكشف الكتاب
كشف الكتاب كلام كتير مكتوب بين السطور مداري قصص, روايات أحسن من الأفلام
فيلم هندي
فيلم هندي كتر فيه الغني علي الودن لما أصبحت مسحوره
بكلام لما تسمعه بتقول .. والله العظيم دا خالي من الأوهام
وضحك المخادع
ضحك المخادع لما لقاني معاه مصدق كل حرف ومدلوق في هواه
وقال نغني شويه أغاني وبيرسم كمان أحسن من الرسام
ومسك الكلام
مسك القلم عشان يكتب كلام هيقوله
أحسن لينسي وتخلص الحدوته
من غير مايضحك هو واللي معاه فكرني جماد معندهوش إلهام
وشلت الغمامه
شلت الغمامه عن عيني اللي كانت
مش شايفه غيره حتي لو كانت حزينه
بصيت لنفسي لقتني زي الفريسه
هجم عليها الاسد لما لقاها ضعيفه
لكني بقيت أقوي من قسوه الأيام
لكني بقيت أقوي زي ماعلمتني الأيام
خلص الكلام ....خلص الكلام