كلمه حبيبتي ماهيش كافيه علشان تقول اللي ف بالي
دنيا الهوا دي واسعه ودافيه هيه اللي توصف احوالي
                  ****
لو قالوا "قيس" انا مش راضي وجنونه ايه جنب جنوني
لو عرفوا حبك   م   الماضي هينسوا" قيس "ولا ينسوني
بيموت في "ليلي" وايه يعني ما انا مت فيكي مليون مره
ولو هواكي   يودعني   هاموت   ودي ........ اخر   مره
                    ****
وايه   يكون   "عنتر"   في   الحب   شجاعتي   فاقت   عضلاته
ياما اترميت بسهام في القلب وسهمك انتي في دقاته
                    ****
"انطونيو" ايه "كليوباترا" مين ده ما يسمعوش عني وعنك
"كليوباترا" لو كانت ملكه جمالها مش غنوه في   فنك
                    ****
خليكي عارفه ان انتي وبس انتي الامل وانتي الماضي
وانتي حياتي اللي بتتحس والكون ده من غيرك فاضي