الحب من قلبى تمكن و سيطر = إستعمره و الروح صارت رهينه أصبحت مشغول الفكر و اتفكر = مما جرا في ما مضى من سنينه با سباب من شفته يطالع و ينظر = بالطايره راكب و عينى بعينه الحظ جابه فى جوارى و بشر = النافذه يسراه و آآنا يمينه طرنا و طار القلب منى و نفر = و الحال صابته السهوم السنينه جلست بالكرسى وكنى مسمر = ادعي الاهى حالى الله يعينه نسمات عطره بالمقاعد تبخر = فواح شافى للجروح الدفينه عثا شذاه الطايره ثم تحمطر = أ ثرّ على القايد بوسط الكبينه أعلن و قال الجو منكم تعطر = اهلاً و سهلا بالذى عاملينه نظرت يمه كنى اشوف واسبر = يم السحاب اللى يساير جبينه هرّجت حالى قلت يالله تستر = الطف بنا من ذا الذى شايفينه رد الكلام و قال حالك مكدر= أ كيد ركب الطايره خايفينه قلت الامر ماهو من الخوف ينظر = الخوف دامك راكب محاربينه الموت ما اخافه ولو كان يذكر= من شوفتك حلت علي السكينه رد و تبسم قال يافلان تشكر = نفس الشعور اللى بكم شاعرينه يوم قالها كنى مع الجو مفتر = دارت بى الدنيا بلمست يدينه عن رحلتى يالربع والله مقدر =مقدر اوصفها وعندى ثمينه لذلك اختمها لكم و أ تعذر = أرجو قبوله لا وصلكم بحينه