لو كنت مكانىىىىىىي

لو كنت يوم مكاني
و حالك هوه حالي
حتشوف بشكل تاني
غير اللي بدا لي
فكر يا حلو حبه
بعدين   جاوب سؤالي
ا
*******
يعني لو كنت حاكم
مش حيميل الميزان
لكفه أي ظالم
استعبد الانسان
و لو كان الابن الغالي¿!
فكر يا حلو حبه
بعدين جاوب سؤالي
و ان ايدك مره تطمع
في أموال الخلايق
حتقول للقاضي اقطع
و تركع للُöي خالق
مهما عليت في العلالي¿!
فكر يا حلو حبه
بعدين جاوب سؤالي
حتسمح للُْي خالف
يبدٓر فكره معارضه
تطرح مليون مناكف
يقلع جدور السلطه
و ترجع انت خالي¿!
فكر يا حلو حبه
بعدين جاوب سؤالي
      *******
و لو اتولدت قبطي
في بلاد المسلمين
حتكون بالوصف مرضي
ولاُْ بتلعن سنين
غيرت حالك و حالي¿!
فكر يا حلو حبه
بعدين جاوب سؤالي
حتعذر اللي كاره
و تغفر للُْي كفُر
و تواجه المكاره
تستسهل لو تغير
والدين ما يبقي غالي ¿!
فكر يا حلو حبه
بعدين جاوب سؤالي
حتعيش سعيد معايا
و انت   في دنيا لواحدك
و تقول عداك عدايا
وتجري فاتح   سöدرك
تاخد الرصاص بدالي¿!                          
فكر   يا حلو حبه
بعدين جاوب سؤالي
******
و لو كنت في امتحان
و الكل في بيغش
ترضي تكون خسران
والكل ناوي يقش
تقدر تفضل مثالي ¿!
فكر يا حلو حبه
بعدين جاوب سؤالي
        ***
و لو مسجون يا حر
في شيء اسمه وطن
و كل يوم بيمر
تتباع من غير تمن
مش راح تبيع الغالي ¿!
فكر يا حلو حبه
بعدين جاوب سؤالي

                                                  تأليف : هاله أحمد الزقم
                                          #   موثقه بالشهر العقاري #
                                          [email protected]