كنا اتنين تيهين في الدنيا
عشنا الدنيا زي ما هي
يوم نمشي علي هواها
ويوم هي تمشي علي هوانا
بس الدنيا مش مريحنا
تعمل فينا مهما تعمل
تلعب بينا
تشدنا مره
وتصدنا مره
وفي الاخر ترمينا بره
وشويه برده ترجعنا
وتحسسنا بأحلامنا
وتسهرنا في ايامنا
وترجع تاني تضيعنا
بتوهنا مع التيهين
وتعقلنا
ساعه الحين
وتفهمنا
واحنا مش فاهمين
وتشوشنا
من حين لحين
وتعرفنا اننا مخلوقين
من طين
وتقولنا دا انتوا بني ادمين
وفي الاخر
تقولنا اديكوا عايشين
مع العايشين
وبتمشو ورا الماشين
وتقولنا اجروا ورايا
واوعاك
يوم تبص في مرايا
اصل المرايا هي اصل الحكايه
زي الدنيا ملهاش اخر
يوم تتطلعك السماء
ويوم تنزلك الارض
يوم تقولك يا جميل
ويوم تاني تقلك غور من وشي يا طخين
ويوم تقولك ما تطلعش من البيت
انتا شكلك النهارده خسيت
ويوم ما تطلع من البيت
تمشي تبص
حوليك
بتفكر الناس
بتقول ايه
عليك
وانتا ولا حد واخد باله منك
وبكلام المرايا
انتا مش عارف
تعيش سنك