أنا مصري وفوق أي نقد
و ذكائي فاق حد الحىىىد
جدي بنالي بعلمه المجد
و أنا بنيت المجد الكروي
*****
أنا مصري و بحب الدوشه
و بركب دش علي العشه
و العته بتسرح في الفرشه
و موبايلي أنغامه بتسري
******
أنا مصري و بفهم في الإنشا
و بحب أفتي و أنا بتعشي
و بطُلع النكته الروشه
و اتريق علي نفسي في شعري
*******
أنا مصري و احب النظام
تقول ورا رح أجي قدام
هي البلد دي فيها احترام
يا خويا اتنيل واجري
******
أنا مصري و احب الهتافات
و صوتي يعلا ف الأزمات
بشوال غناوي و حفان شعارات
و كفايه نعلا بصوت غجري
******
أنا مصري و بقدر أعيش
معايا و لُا ما معاييش
ما فيش حرير أهو في الخيش
و أهو كله بيداري ظهري
*******
أنا مصري و بصبر علي المر
يشهد عليا تاريخ القهر
وان طال ليلنا
أقول يا خالقنا
يلا بقي إأمر بالفجر
و انام و أشد الغطا علي خصري
********
تأليف : هاله احمد الزقم
# موثقه بالشهر العقاري #
