توابيت الشيش..
مبتصديش غير م الحلم…
لما كابوسك زقزق حبه
فوق الشوك…
لما ايديك بتسرق حتي
جو الشوق…
لما تفوق..
من وسط الحلم…
وسط حروب النفس
تلاقي السلم…
تلقي كل كلامك كذب في كذب…
وان كلامك يمكن قصه
يمكن يصبح فيلم..
لأجل تعافر..
انك تصبح..
كل كمال الصوره ..
جوه الحلم..
…………
توابيت الشيش ..
مبتحكيش غير عن قلب…
والجو المخنوق بيعاند
جوه الدرب..
هطلع هطلع..
من جواك..
رغم اساك ..
رغم الحرب…
هكتم ذره حزن معاك…
يمكن تتفجر بركان..
ويتوه جواك الانسان
بعد ما أمله انه يعيش..
يبقي اماله ان الشيش..
ميصديش..
…………..
توابيت الشيش..
مبتهديش ريح العتمه..
لما بيهجم ع الحواديت…
لما تلاقي كلوبه مسري…
بس منور كل البيت..
نازل بالنور ع الصوره..
صوره ضحكه طفل صغير..
بس الضحكه بقت مهجوره…
صوره عيل لسه بيمشي…
وصورته بيكتب ع السبوره..
ورغم البروايز المكسوره…
ان الصوره اجمل صوره…
واهي صوره جوانا تعيش…
لما الشيش يفضل نوره..
عايش جوانا ميمشيش