هس…هدوء
سامع لحن الدمع هناك
جاي من وسط جدار مشقوق
شايف حتي النور جواك
نفسك يجي اليوم وتروق
والهم المكتوم خلاك
بتعبي الاحزان ف عروق
والدم الناشع وراك
يمكن يجي اليوم وتدوق
هس ..هدوء
سامع لحن الدمع هناك
ايوه ..هناك…جاي يقول
عتمه وشك..اوعي تغشك
وخطوط ايدك ايوه طويله
وملوك الاحزان بتكشك
ولايمكن هتعدي بليله
ولا حتي هتبطل وشك
زنك ع الدنيا خلاها
معانده معاك..ومش وياك
حتي قلم الشعر عليل
وحبل اساك ايوه طويل
وسكوتك لو عدي بليل
يمكن يسأل ايه اساك¿¿
يمكن قمر الليل بيعدي
وتنسي تقوله حتي سلام
يزعل منك..يهرب منك
مش هتلاقي اي كلام
ويطول يوم الاحزان
وسكوت الليل يقلب سوق
هس ..هدوء