كرباج وطن

أتلو علينا ما تيسر من سوره (   الإسراء )
واختم بسوره   ( الضحي   )
و أبدأ بى (مريم   ) صفيه ربها العذراء
مين فيكو داق طعم الصور   ¿
مين فيها داء¿
و تلت صور متعلقين   فوق   الممر   ..
وانا   قلبي   ... مىىىىىىىىىىر
ومخبي حرف الصاد   .. من الصياد
والحرف طعمه ف حلقي ... مر
يا شعب دايساك ...الصور
جازف... و مر
و ارسم بايدك مره صوره
ساعتها بس ح تبقي... حر
...............
لساك يا طير
بتوشوش الجرح القديم
وتضفر الصفصاف ف شعر العيله
و ترافق الحلم
ف حزام المريله
و يسيل غناك   ع   الضفتين
يتجمع   الأصحاب   حواليا
ابن اسما عين   و ابن   الدسوقي
ويسري جاب الشيخ حسين
و طه سارح   و سطنا مليان   أنين
حاضنين جوابات الغرام
إل كنت باكتبها
لهذا المنتمي ..
مكتوب علي خد السما   ...
أنا مش بحبك
إنما ..
أنا بعشق الأرض اللي حاضنه خطوتك
و باعشق الألم   - الرصاص-
لما يزغرد صوته فوق صدري
طعمه / ولا تعريجه
الكرباج   علي ظهر الفرس
و أنا جارر الحنطور
و مغمي عيني   من الألم
ومن الصور
ومن الزمن
خمسين سنه
و رجعت شايل م الوطن
خمسين وطن
و تلت   صور
............

لمي كلابك   يا حبيبه   الكل
دي   الهدمه   انهرت
بس الرقم محفور علي صدري
وشابك   حرفك الممنوع
ف سقف   الحلق
ومعلق قصايدي
صادري   قصايدي
وحددي   فيا   الإقامه
صادري   علي   صدري   العلامه
أو صادري   أخر حلم   ليا
وتاني صوره   اكسريها ف فرح عيدك
برضه   جوه العين   نشيدك
لو تقطعي من الكتف ايد
تطرح بدالها ألف إيد
يبقوا عبيدك
لو تعمي عيني ح يعرفوني
من الرقم ..
من بدله زرقا ..
م الألم     راح   يعرفوني
و يقولوا
كان شاعر ... أناني
بيحب فيها
كل شئ
و ماسبش شئ
لحد تاني
..................
لا كنت أنا
ساعه زياره الأولياء ناوي أتوب
ولا كان   دعاك   بيستجاب
وقت انفلات الصبح من حضن الذنوب
من غير ما تتوضي
و النيل
بيمسح جزمته بقماشه أمريكي
و يدوسها ويعدي
ويعيد غنا ( نجم وامام )
( لو علقوا لي مشنقه )
و ( الممنوعات )
( يما مواويل الهوي ) ( مر الكلام )
و أنا لسه   خيل تحت الصور
جارر في حنطورك
خايف عليك م اللي جاي
قرب خلاص دورك ..
.............
مكتوب علي سجن القناطر للنساء
الوحده خير من جليس السوء
ياللي انت تالت في الصور
صحىىصح   وفىىىىىىىىىىىىوق
ماعدش ينفعنا (   فاروق )
...............................
يا طير
ملامح غربتك
بتشكل العيل في رحم الأمهات
فبيتولد ف عيونه تأشيره   سكات
صوت السكات   صحي الجماجم م   القبور
و اقفين طابور
عملوا انتفاضه ميتين
راسمين حدود (   مستوطنه   )علي كفهم
من ضعفهم
......
اتكلمي   ..
فكي ضفايرك و احلمي
و اتمشي في عروقي اللي دبلت
لا جل تطلع للنهار
فاتغربت
رديها لتراب الوطن ....
-   صوت   -
مكتوب علي خد السما
إنك تعيش من غير وطن
ويموت   ربيعك ع الشجر
يبقي خريف حكم   الصور
وتموت حروفك في الورق
من غير تمن
وانك ياصاحبي تندفن
من غير ... كىىفىىىىن .
....