ملامح من بلادي ملامح من بلادي ..... تشوفها لو كفيف الظلم تشوفه عادي .... والحق تشوفه طيف بيعيش فيها الجبان .... ويموت فيها الشريف يتهان فيها العزيز .... ينداس فيها الضعيف والجاهل فيها عالم .... والعالم ع الرصيف ملامح من بلادي .... تشوفها لو كفيف ..................................................................... وبلادي فيىىىىىىىىىىىىها ناس .... ميت شكل وألف لون فيه ناس بتعيش علي الأحلام .... وأحلامهم ساعات بتهون وناس بتحن للماضي .... وناس عايشين علي الحاضر وناس بتموت ف كلمه لأ .... وناس متقولش غير حاضر ..................................................................... وناس عايشين ف قلبيها ..وكارهين الحياه فيها وحاسين انهم أغراب وناس مش شاغله بالها بحد ..مفيش ف حياتها حاجه بجد مبيحسوش بأي عذاب وناس غرقانه ف مشاكل ..وناس مش لاقيه قوت تاكل لا وناس عايشين يربوا كلاب وناس أحزانها بتدوسها .. ومات جواها إحساسها وشابوا وهم لسه شباب .................. شباب بيضيع وشايف بكره بيقفل ببان الأمل بنات زي القمر في البيت ومستنيه ييجي العدل وحلم الناس مهوش مسموح وتحقيقه مهوش محتمل ............. ده حلم كبير فضل يصغر لحد ما جالوا يوم واختفا ونور الشمس بيروح .. وطير الفرح بينوح .. وشمع الحب غاب وانطفا وصوت الحق مش مسموع .. وقلب الفرح بات موجوع .. وشعب بحب صمته اكتفا ................................................................... رحل الربيع مهوش راجع .... وساب ف بلادي جو مخيف وورد الشوك مجرح فيه .... ونسمه تموت ف جو خريف ملامح من بلادي .....تشوفها لو كفيف الظلم تشوفه عادي ....والحق تشوفه طيف ...............................
