بحن لشيء ف عرف الناس ملهش وجود
بحن لدنيا فيها الخير طريق ممدود
وحب ف قلب كل الناس ملهش حدود
وصوت الحق من تاني لداره يعود
بحن عنيه ما تشوفشي الحنين مفقود
........................................
هحن ما شوفشي أي حبيب يكون جارح
وكل مكان نشوف جواه الأمل طارح
وتنسي الخوف ملامحنا
وما نفكرشي ف امبارح
......................................
بحلم بدنيا بريئه وزي ماهي بنعيشها
وناس ماتعيشي لابسه وشوش علي وشوشها
وكلمه حق حلفت فينا ما نحوشها
...................................
بحلم ندوس ع الخوف .... وذل اليأس وهمومنا
بحلم نشوف العدل ... سكه بكره قدامنا
وبكره يكون علينا أحن من يومنا
ضميرنا يعيش عشان الحق...
وتكبر فينا أحلامنا