حبيب قلبي .. حبيب بكره .. حبيب أمسي
حياه روحي .. نسيم عمري .. ونور شمسي
بعيد عنك .. بعيش جرحي .. تضيع نفسي
ومن غيرك .. بتوه واضعف .. واشوف يأسي

حبيبي..قبل منك..
كنت وسط غيوم وبرد
قلبي نفسه يلاقي حد
جيت قابلتك .. شفت انك
أخر ملاك ممكن يعيش ع الأرض
شفتك ملاك ف توب انسان وبين إيدي
وحسيتك وحبيتك وسكنتك ف تنهيدي
ولما مني بتقرب بيبقي اليوم ده يوم عيدي

حبيبي .. قبل منك..
حلم السنين اختفا
شمع الحنين انطفا
جيت قابلتك .. عشت جنبك
شفت إيه معني الوفا
مين زيك في الدنيا…         بحالها ومين ده يكون
جنبك طعم حياتي بيحلي ...   جنبك كل جراحي تهون
ولو كل القلوب خانت ...         مستحيل قلبك يخون