مهما نلىىىىىىىىىىىىىىىىىىىف
 
مهما نلف و مهما ندور
مهما نعدي بحور و بحور
تفضل مصر ف عز الضلمه
نخله بتطرح بركه ونور
ما احنا ولادها و احنا عبادها
و احنا قلوب بتدوب ف ودادها
و احنا طيور و بيوتنا سماها
بنرجع ليها و بنلقاها
فارشه عيونها عشانا قصور
ساعه الفرح نشوفها معانا
و ساعه الجرح بتبقي دوانا
و ف ليالينا تكون أغانينا
و ف غربتنا المره تجينا
فارده جناح الحلم جسور
تفضل كلمه حق يا ولدي
قبل ما تاخد لازم تدي
أوعك تنسي ف لحظه جميلها
و انك شارب ميه نيلها
مهما بعدت سنين و شهور