ف عيونك الدفه
إلي أسرتي الصغيره
 
وف قلب قلبي سكن
قمرين وشمسايه
حبه دفا ف الشتا
وف صيفي ضلايه
أيدي اليمين يا علي
أيدي الشمال يا أحمد
عكازي يا أم الولاد
يا نجمه يا مرسي
أنا مركبي لسه
محتاجه منك ضي
يهديني ف السكه
وان طوحتني الريح
والنو زاد بصحيح
بلقاكي ع الضفه
ف عيونك الدفه
فارده أيدكي براح
أدخل وأدفي
م أنتö بلاد وحدود
وأنتö الطريق ممدود
والشط والمرسي
وأنا مركبي لسه
محتاجه منك ضي
يهديني ف السكه