لكن بالوضع المعكوس أعلن عصيانك ... وأتعلم فن التمثيل .. أعكس كل ثوابت عقلك يمكن تقدر .. بعد ما تركن كل مبادئك ع الكوميدينو تنزع قلبك من جواك تمسح منه اللون الأبيض أمسح أي دليل للرحمه حط مكانهم كل خطوط الطيف قدامك زود ف الألوان الغامقه رجع قلبك نفس مكانه مد إيدك للمخ وشيله أغسل كل مراكز حسك بالبنزين رجع مخك لكن بالوضع المعكوس أدخل جوه الحلم البشري بشكل كابوس وطي قصاد الموجه العاليه أسجد للكلب الجربان وأما الموجه العاليه تعدي أركب علي قلع القرصان قول أنا عالم تاني لوحدي وغيري مافيش مهما يكون حجمك علي قدك أمشي قصاد العالم كله ونافش ريش يومها وبس أكيد راح تقدر بين خفافيش الأرض تعيش لكن حازر ... حط الأتي ف الحسبان لما الهوجه الضلمه تعدي وأما وميض الفجر يبان تقدر تاني ترجُع نفسك تقدر تاني ... تكون إنسان ¿¿
