جىوه قىلعه



 

فين ملايتك يا صبيه

فين خلاخيلك يا ورده

جاي بلاسه وجلابيه

مش لاقيكي ليه النهارده

كنت سايبك

جوه قلعه جنب بيتك

جيت لقيتك

ماشيه قالعه جلابيتك

ألتفت ف كل ناحيه

نفسي أشوفك

عن شمالي .. عن يميني

الدموع جريت ف عيني

لما شوفت ملايه فوق

كوم الزباله

وأنتö جايه

 بس لابسه مايوه بكيني

العيون تنهش ف لحمك

وأنتö عاجبك

أما أنا اللي زمان عشقتك

جيت أقولك

إن توبي زي ما هو

أما توبك...

عمره ما راح يملي عيني

مدي كاسك ...

للغريب أبو أيد سخيه

أيه يضيرك

نظره أو لمسه خفيه

وأن يزيد .. اياكي تبكي

أرجعي تاني لملايتك

أبقي نادي قوام عليا

قولي يا أسكندر تعالي

ح تلاقيني ....

عمري ما أحمل يوم شماته

بس مش جايلك ببتزا

وألا بورجر

ح تلاقيني جاي ف أيدي

كوز دره ... وحته بطاطا

---------------------------------------------------