لبىنان أسف بيروت ... ما قدرتش أمد الأيد ليكي الجوع كممني وخلاني كل التواريخ سقطت مني كل الأحداث صبحت ضدي مابقتش أفكر غير فيُا أخواتي ف قلب جبال لبنان القلب خلاص مبقاش بيدق وما تستنوش حتي أستنكار كل الأخبار بتقول عنكوا شايف أبطالكوا وشهدائكوا لكن وحياه اللي ما بينُا لو كنت ح دين ... برده ح ادينكو ...! بشويه قمح ونص دولار راح نقلب كل الحق ضلال والطفل اللي أتحول أشلاء راح أقول .. كان ماسك نووي وكان علي وسطه حزام وف أيده صاروخ وعايزها دمار ..!! بشويه قمح ونص دولار راح أبيع الدم اللي ما بينُا من غير مزادات .. وح أبيع النيل وجبال عرفات م أنا لسه يا دوب بايعك يا فرات .!! والأقصي اللي بينزف أحزان أنا بايعه كمان ورضيت بالذل تمن وبديل ازاي بقي أحزن علي قانا ومزارع شبعا وبنت جبيل وازاي راح أعيد أمجاد حطين ما أقدرتش أخلف من تاني عمرو بن العاص وصلاح الدين أخواتي ف قلب جبال لبنان أنا ميت .. من سبعه وسبعين ----------------------------------------
