أبادٔلكٓم حرُيه .. بسجن.
أبادلكم سöلٔم .. بحرب.
أبادلكم صوتي .. بصمت.
أبادلكم اسمي .. بصوت مجهول.
أبادلكم فدادين الطين
بالعتمه في رطوبه الزنازين.
أبادلكم حاكم عادل بالفرعون الجبار.
الجنُه .. بالنار.
الراحه .. بتعب القلب.
أبادلكم أمن .. بخوف.
زٓهرُيه ورٔد .. بكبايه دم.
وحياه مرتاحه أبادلها بموت.
أبادلكم ضöحكاتي .. بغمُ
ورفيقي أبادله بمخبر كلب.
أبادلكم لو كنتوا تبادلوني
تاخدوا سنواتكم وتردُٓولي السنوات.
صعب تردُٓولي السنوات !!.
صعب تبادلوني برجوع العزه
ومعني الوطنيه والأوطان ..
للشعب.
ورجوع دمُ الشهداء.
والوجه الأصلي لكلمه أعداء.
ونضاره وجٔه الفقراء.
وكرامه تساوي كرامه كلُ اللي اتسلبوا.
والنصر .. لكل اللي من غير حرب
اتغلبوا !!
بادٔلوني .. وجوه بوجوه
ولغات بلغات.
خدوا كل اللي حيلتنا من ألوفات:
اللي اتنهبوا .. واللي لسه حيتنهبوا
وردوا للأمه رجولتها ونخوتها وقٓدرتها.
ردُٓوها من تابع مذلول
لزعيمه لاستقلال.
من قٓطعان سايحه .. لرجال.
ردولها كل اللي سرقتوه من مال.
ادفعوا عنٔها ديون الأطفال.
ردوا لها شمس المستقبل
واكنسوا أطنان العتمه من درب الأجيال.
أخلاق الشعب اللي انداس ..
واللي أصبح ناس مش ناس !!
ردوا للشعب رغيفٓه المخطوف.
صوته الأصلي وعرقه المسفٓوف.
وبالمجُاني .. رجعوا للطفل الكراس.
ابنوا علي شط النيل المصنع جنب المصنع.
رٓدوا للجندي المصري وظيفه المدفع.
ردُٓوا الإنسان العادي ياخٓدٔ قيمهٔ ما يدفع.
والفلاح ردوه من ذٓل الغربه
وردوله حٓبه للفاس.
رٓدوا الوطن المسروق
اللي اتمرغ في مخالب السوق.
فكوا عنه الطوق.
شöلُٓوا القدم الصهيونيه الساكنه في الدقي
وماشيه في باب اللوق.
ردُٓوا الجمعيه للفلاحين
والمصنع للعمال.
لو تقدروا تخرجوا مö الأغلال
اللي كتفكم بيها اللي علمكم لعبه رأس المال ..
لو غيرتوا الحال ..
أٓقسم قدام شعبي أغني لكم من قلبي
وعمري ما غني تاني
لى .. (جمال) !!